Magro-Ankorondrano

Enin-dahy tratra nangalatra tafo

Ny talata tokony ho tamin’ny iray ora maraina, taitra ireo polisy nanao fisafoana teny amin’ny  manodidina ny Magro raha nahare zavatra nipoapoaka. Rehefa nozahana, hay mpangalatra miezaka manongotra ireo tafo no tratran’ny polisy ambodiomby. Nisy enin-dahy izy ireo no indray voasambotra tamin’izany, ka nentina tany amin’ny biraon’ny polisy ao amin’ny boriboritany faha 8, hatao famotorana. Raha tsiahivina, dia vao tamin’ny vola may lasa teo, no nisy 20 lahy nampidirina any am-ponja noho ny resaka halatra vy tao amin’ity toerana ity ihany. Ity toerana ity, izay mbola mampifanolana ny Antenimieran’ny varotra sy ny vondrona Tiko eny amin’ny fitsarana amin’izao fotoana izao. Rehefa notazonina nandritra ny roa andro tao amin’ny polisy izy enin-dahy, dia nampiakarina teny amin’ny Fampanoavana, omaly.  Nampidirina am-ponja vonjimaika izy ireo taorian’izay.
JUDD