Andro iraisam-pirenena ho an’ny ankizy

Mbola miasa ny 80%-n’ireo ankizy gasy

Raha nandray fitenenana ireo ankizy nandritra ny fanokafana ny fankalazana maneran-tany ny faha 20 taonan’ny zon’ny ankizy dia nilaza fa mbola misy 80% ireo zaza eo anelanelan’ny 5 hatramin’ny 17 taona miasa eto Madagasikara. Ary maherin’ny 820 tapitrisa kosa ireo zaza mbola tsy miditra an-tsekoly maneran-tany. Nampahafantarina nandritra ny andro iraisam-pirenena ho an’ny ankizy omaly fa na dia efa betsaka aza ireo ezaka efa natao hiarovana ny zon’ny ankizy dia mbola misy ireo zo tsy voahaja. Anisan’izany ny zo tokony hianatra, ny milalao, ary ny ho tsaboina... Raha ny fanambaran’ny TAIZA, fikambanana miahy ankizy, dia nanomboka ny janoary hatramin’ny novambra 2009 dia nisy 219 ireo zaza voaolana, ary 292 ireo niharan’ny herisetra ara-batana. Manantena ny fandraisana andraikitry ny tsirairay hiarovana ny zon’ny ankizy ny Plate Forme sy ny Unicef izay samy manao hetsika amin’izao fankalazana ny faha 20 taona niarovana ny zon’ny ankizy izao. Ho an’ny Unicef dia hitohy hatramin’ny 18 desambra ny fankalazana amin’ny fampirantiana ireo sarin’ankizy.
Nath