Unicef

Dzaomalaza : natao hampivoatra ny fiainan’ny tanora

Tafiditra amin’ny andro afrikana ho an’ny tanora no namoahan’ny Unicef  ity andian-tantara « Dzaomalaza » ity. Manome hevitra amin’ny tokony hifampianaran’ny tanora samy tanora no tena antony nanaovana azy. Ny tanjon’ity tantara ity dia mba handray anjara amin’ny fampianarana ireo tanora ireo hiatrika ny fiainana. Ka amin’izany dia omena fahalalana ampy azy ireo tanora hiatrehany ny ho aviny. Raha ny fanambaran’i Bruno Maes, solontenan’ny Unicef, dia manantena fiovana izy, amin’ireo tanora malagasy amin’ny alalan’ity horonan-tsary ity.  Maharitra 45 minitra ilay tantara izay manambara ny karazan’olana rehetra sedrain’ny tanora, toy ny zava-mahadomelina. Mitantara ny zavatra niainana tovovavy roa te hahazo zavatra maro eo amin’ny fiainana ka manao ny fomba rehetra hazahoana azy. 500 ireo horonantsary natonta ary mbola hampiana izany satria haparitaka manerana ny nosy ilay izy. Hisy ny fandefasana azy amin’ny sekoly, fokontany, ary amin’ny televiziona sy fikambanana maro samihafa. Hampivoatra, hampianatra, ireo olana tsy maintsy lalovana, ary indrindra hanoro amin’ireo ankizy sy tanora maro be amin’ny sedram-piainana izay azo ialana tsara.
Nath