Bodo-20 taona nihirana

Hanolotra tahirin-kira sy konseritra goavana

Fotoana lehibe ho an’ilay mpihira malagasy Bodo ity taona 2009 ity satria dia manamarika ny faha-roapolo taona niakarany an-tsehatra izy. Hetsika goavana telo araka izany no hanamarihany ny jobily dia ny famoahany ny tahirin-kirany roa vaovao ka ny iray dia ahitàna ireo hira miavaka na “inédits” izay tena nanamarika azy sy ny fiainany raha toa ka ireo hira rehetra nahitàna fampiaraham-peo kosa ilay vokatra faharoa. Ankoatra izay ary tena andrasan’ny maro kosa ny konseritra goavana izay hotanterahiny amin’ity volana novambra ity. Maromaro ihany koa anefa ny tetikasan’i Bodo toy ny fanatontosana hira hafa miaraka amin’ireo andrarezin’ny mozika malagasy toa an’i Bessa, Henri Ratsimbazafy,…ankoatra ny famoahana ny “best of”.
R.S