Volley - Tompondaka 2009

Hangotraka ny manasa-dalana

Nitombona ny tombantomban’ny mpitia volley-ball fa saika ireo ekipa novinavinaina avokoa no tafita amin’ny dingan’ny lalao manasa-dalana. Eo amin’ny Andriambavilanitra dia hifampitana amin’ny lalao manasa-dalana ny ekipan’ny Ift sy ny Jirama Toamasina, rehefa samy nanilika ny Asvbm sy ny Cosrm 14 tamin’ny seta 3 no ho 0 avy. Toraka izany koa ny Stef’Auto sy ny Vbcd, rehefa nandresy ny Jirama Toliary sy ny Tsarafaritra Ihosy, izay samy tsy nisy nampitokoiny. Teo amin’ny adin’ny lehilahy no mba samy nahazo seta iray avy ny Assm sy ny Cosrm 14 Antsirabe, rehefa nidona tamin’ny Tiko Sc sy ny Cosrm 5 Toliary. Araka ny fizotry ny lalao dia hihaona amin’ny lalao manasa-dalana izany ny Cosfa sy ny Ift, izay heverina fa anisan’ny lalao tena hiady tokoa anio maraina, ary ny Tiko Sc sy ny Cosrm 5. Sambany ity ekipa farany ity no hiatrika izany.
a.r