Sabotsy Namehana

Mpivarotra piraty tratra fa nanakorontana

Nanakorontana tao amin'ny tsenan'i Sabotsy Namehana ity tovolahy iray ity ka nitangoronan'ny olona ny faran'ny herinandro teo iny. Voalaza fa nifamaly taman'olona tao izy ity tamin'io, izay tsy laitra nalamina mihitsy ka voatery niantsoana zandary. Vao nahita ny fahatongavan'ny zandary anefa ilay tovolahy dia lasa nirifatra nandositra ka nifanenjehana. Tsy lasa lavitra akory dia voasambotra izy. Nitondra sakaosy izy tamin'io ka rehefa nosavaina dia kapila piraty avokoa no tao, izay efa nahatratra roanjato mahery. Ireo horonan-tsarimihetsika vao nivoaka farany no hita tao toy ny « Malok'ila Flotte 6 » sy ny « Zanak'i Dada ». Tamin'ny famotorana natao azy no nanambarany fa mpivarotra fotsiny ihany no asany fa tsy mpamokatra piraty akory. Raha ny hita dia efa miparitaka eny amin'ny mpivarotra piraty eny sahady ireto horonan-tsary maro mpankafy ireto.
R.C