Toliary

Mitohy ny fandrobana mpizahatany

Trano fandraisam-bahiny iray ao amin'ny faritr'i St Augustin, distrikan'i Toliary II no nidirana jiolahy mirongo basy ny talata lasa teo tokony ho tamin'ny 9 ora alina. Mbola maro ny olona nisakafo tao tamin'io saingy tsy nampiahotra ireo jiolahy izany. Nambanan'izy ireo tamin'ny fitaovam-piadiana avokoa ny olon-drehetra tao. Ny tompon-trano aloha no notereny hamoaka ny vola ka lelavola 4 tapitrisa mahery no lasany tamin'io. Rehefa izany dia norobain'izy ireo koa ny vazaha nisakafo tao ka vola 3.000 Euros no azony. Nisy Malagasy anisan'ny nisakafo tao koa tsy namelan'ireo jiolahy raha tsy nahazoany vola 5 hetsy Ariary. Ankoatra ny vola dia nisy solosaina entin-tanana sy “camera” ary finday roa lasan'ireo mpanafika. Vao nahazo izany izy ireo dia lasa nitsoaka avy hatrany. Ireo voatafika kosa nampandre ny mpitandro filaminana haingana.
R.C