“Rafozan-tsarotiny 3”

Havadika an-kapila Vcd amin’izay

Filma mampangitakitaka sy mampitaintaina i “Rafozan-tsarotiny”. Tamin’ny volana oktobra no vita ny andiany fahatelo tamin’ity tantara ity, ary taorian’izay dia nitety faritra maro manerana ny Nosy ny ekipan’ny Meva Pro (afatsy teto Antananarivo Renivohitra ihany). Azo ambara fa fahombiazana avokoa ny akon’ny fitetezam-paritra nataon’izy ireo raha ny tomban’ezaka nataony no hasian-teny. Maro tamin’ireo faritra nalehany mantsy no tsy afa-po ka voatery namoronana daty na dia tsy tao anatin’ny programa aza. Efa voarakitra an-kapila ity filma ity izy ka amin’ny alatsinainy 20 desambra izao no haparitaka manerana ny Nosy. Efa maty paika ny fepetra entin’izy ireo manely ny kapila Vcd. Hizara roa ny ekipa ka ny ampahany voalohany hiandraikitra ny varotra ary ny faharoa hanara-maso ny piraty. Manodidina ny 2 alina eo ho eo ny kapila haparitaka manerana ny Nosy.
Fy