Tosika Meva 2009

Nomena lanja ireo hevitra vaovao

Ho famporisihana ireo mpikaroka malagasy mba handroso dia nikarakara fifaninanana ny Fondation Tany meva. Nomena 3 tapitrisa Ar avy izy folo mianadahy nahazo loka. Anisan’ny nahazo lanja hatrany ny fanentanana ny rehetra hiaro ny tontolo iainana. Nahavariana ny maro tamin’ireo tetikasa ny fanaovana fatana mitsitsy mateza izay niarahana tamin’ny ONG Madere. Amin’izany dia mitombo avo roa heny ny vokatra azo kanefa tsy betsaka ny hazo tapaka, ary maharitra 5 taona ny fe-potoana iasan’ilay fatana. Teo koa ny fikarohana herinaratra “éolienne” izay iarahana amin’ny Cirmade. Mahatratra hatrany amin’ny 24V ny herinaratra tonga, ary mety mbola afaka mahatonga bebe kokoa noho izany saingy ny famatsiana ara-bola no tsy misy. Ho fiarovana hatrany ny tontolo iainana no tanjon’ny Fondation Tany Meva amin’izany.
Nath