Governemanta

Voatendry ho Praiministra Rtoa Manorohanta Cecile

 Taorian’ny fanafoanan’ny Filohan’ny Tetezamita Andry Rajoelina ny fanendrena ny Praiministra Mangalaza Eugène omaly, dia nanendry an-dRtoa Manorohanta Cecile ho Praiministra mpisolo toerana ny Filoha, araka ny didim-panjakana N° 2009-1386 daty omaly 18 desambra 2009. Manana ny andraikitra feno amin’ny fisahanana ny toerana maha-Praiministra Lehiben’ny Governemanta azy izy. Mbola misahana ny maha-Praiministra Lefitra avokoa ireo izay misahana izany andraikitra izany. Toy izany koa ireo Ministra rehetra sy ny Sekreteram-panjakana, araka ny voalazan’ity didim-panjakana ity ihany. Ny tenany moa taorian’ny fanalana an’Ing. Monja Roindefo tsy ho Praiministra dia efa nisahana hatrany ny andraikitry ny Praiministra vonjimaika, satria ny Praiministra Mangalaza mbola tsy nisahana ny andraikiny mihitsy fa niandry ny fitsangan’ny governemantan’ny Tetezamita.
niry ramanitra